Ambasada shqiptare kremton 28 Nëntorin në Prishtinë

Ambasadori i Shqipërisë në Kosovë, Petrit Malaj, gjatë ceremonisë së përvjetorit të Pavarësisë së Shqipërisë, theksoi lidhjet e ngushta midis dy vendeve.

Ai u shpreh se ndihet si një “vëlla i madh” i Kosovës dhe vuri në dukje rëndësinë e bashkëpunimit të ndërsjellë.

“113 vjet më parë, Ismail Qemali ngriti flamurin kombëtar dhe këta burra i thanë botës me një zë të fuqishëm se Shqipëria ishte e pavarur. Kjo nuk ishte thjesht një deklaratë, por një shenjë guximi dhe shprese. Kur flas sot këtu, nuk ndihem vetëm si ambasador, por si një vëlla i madh i Kosovës, që më pret me një mikpritje të madhe. Bashkëpunimi ynë ka marrë hov në të gjitha fushat, sidomos në siguri, dhe jemi të gatshëm për rritje të tregtisë. Kosova është investitori më i madh në Shqipëri. Synojmë edhe rritjen e binjakëzimeve lokale. Ndihem pjesë e një kombi që ka luftuar gjatë për lirinë e tij,” tha Malaj.

Ai gjithashtu përmendi ish-luftëtarët e UÇK-së që po gjykohen në Hagë.