Posta zvicerane anulon kartelat për klientët jashtë vendit

Sektori financiar i Postës së Zvicrës Postfinance ka anuluar kredit kartelat për klientët me vendbanim në botën e jashtme. Nga ky vendim preken edhe zviceranët e shpërngulur jashtë vendit gjegjësisht diaspora zvicerane.

Një njoftim të tillë, të publikuar më parë nga gazetat “Tages Anzeiger” dhe “Bund” e ka konfirmuar pastaj edhe vetë postfinance. Sipas kësaj të fundit, klientët që preken nga ky ndryshim janë njoftuar gjatë korrikut ndërsa kontoja e tyre e kreditit do të zhvleftësohet brenda tre muajve, shkruan srf.ch.

Këtë shërbim, posta e Zvicrës e ka braktisur për shkak të kritereve gjithnjë më të ashpra që instituteve financiare iu janë vendosur në bizneset ndërkombëtare me klientët që kanë vendbanimin në botë e jashtme.