Strehim në tenda ushtarake për azilkërkuesit

Tendat e ngritura ofrojnë vend për 140 persona dhe në to do të vendosen vetëm meshkuj

13 tenda të mëdha ushtarake për strehimin e azilkërkuesve janë ngritur në hapësirat pranë qendrave ekzistuese të  azilit në Kantonin Aargau, ka konfirmuar një zëdhënës i institucioneve kantonale. Me këtë, kantoni në fjalë bëhet i pari që ka filluar këtë mënyrë strehimi të përkohshëm për azilkërkuesit

Tendat e ngritura ofrojnë vend për 140 persona dhe në to do të vendosen vetëm meshkuj. Pranë këtyre tendave janë instaluar edhe objektet për toalet, dush dhe për kuzhinë.

E gjithë kjo, sipas zëdhënësit, nuk është ndonjë masë emergjente por, sipas tij, në kushtet e verës është më e arsyeshme që azilkërkuesit të strehohen mbi tokë, qoftë dhe në tenda se sa në strehimoret nëntokësore.