Ofertë për kujdesjen ndaj fëmijëve gjatë pushimeve verore

asi që shumica e shkollave mbyllen gjatë pushimeve, për shumë familje shtrohet problemi i vendosjes së fëmijëve gjatë kohës sa ata janë në punë

Qeveria e Zvicrës synon që të përmirësojë nivelin e përkujdesjes për fëmijët gjatë kohës së pushimeve verore. Në të vërtetë, siç thotë për radion SRF Ludwig Gärtner nga Zyra Federale për Sigurime Sociale, Berna zyrtare me këtë synim para së gjithash ka parasysh koordinimin e ofertave që tashmë janë në dispozicion.

Për ofertuesit privatë nuk është me interes ofrimi i ofertave në këtë drejtim pasi që kjo nuk do t`u siguronte angazhim konstant dhe nga ana tjetër vëllimi i punës për planifikim do të ishte i papërballueshëm. Ndërkaq, pasi që shumica e shkollave mbyllen gjatë pushimeve, për shumë familje shtrohet problemi i vendosjes së fëmijëve gjatë kohës sa ata janë në punë.

Në disa qytete kjo është rregulluar në njëfarë mënyre. Kështu, modeli i “programit për pushime” të qytetit të Bielit është një alternativë në të cilën mund të mbështetet edhe federata. Por edhe ai e ka një të metë: të gjitha ofertat e këtij programi përfundojnë në orën 17 ndërsa ka mjaft prindër që orarin e punës e kryejnë pas kësaj kohe.

Tash për tash bëhet fjalë më shumë për idenë si të tillë e në vjeshtë do të jetë gati projektligji përkatës.