Presidentja Osmani e vetmja grua mes liderëve botërorë në Bordin e Paqes

Nis takimi i liderëve për formimin e Bordit të Paqes, Osmani e vetmja grua

Në Davos të Zvicrës ka nisur ceremonia për themelimin e Bordit të Paqes, ku janë mbledhur udhëheqës botërorë që kanë pranuar ftesën e Presidentit amerikan Donald Trump për t’iu bashkuar iniciativës së tij, shkruan albinfo.ch.

Karriget në skenë janë duke u mbushur gradualisht me presidentët e Azerbajxhanit, Argjentinës, Kazakistanit dhe Indonezisë, si dhe me kryeministrin e Hungarisë, Viktor Orbán. Kjo ngjarje ndërkombëtare synon të promovojë dialogun global dhe bashkëpunimin për paqe.

E vetmja grua e pranishme në takim është Presidentja e Kosovës, Vjosa Osmani, duke theksuar përfaqësimin e grave në forumet ndërkombëtare të nivelit të lartë. Karrigia e bardhë në skenë është e rezervuar për Donald Trump, i cili e ka shpallur veten udhëheqës të përjetshëm të Bordit të Paqes.

Ky aktivitet nënvizon pjesëmarrjen aktive të Kosovës në iniciativat globale dhe angazhimin e saj në çështjet e paqes dhe bashkëpunimit ndërkombëtar./Albinfo.ch

---