Këto janë 19 vendet që kanë nënshkruar pjesëmarrjen në Bordin e Paqes

Vjosa Osmani nënshkruan pjesëmarrjen e Kosovës në Bordin e Paqes, vendi bëhet pjesë e 19 shteteve themeluese

Presidentja e Kosovës, Vjosa Osmani, ka nënshkruar pjesëmarrjen e vendit në Bordin e Paqes të Presidentit amerikan Donald Trump gjatë një ceremonie të mbajtur të enjten në Davos të Zvicrës. Para nënshkrimit, Osmani ia ka zgjatur dorën Trumpit dhe kanë shkëmbyer disa fjalë të shkurtra, shkruan albinfo.ch.

Në ditën e themelimit të këtij bordi, pjesëmarrjen e tyre e kanë nënshkruar 19 shtete:

• Argjentina

• Armenia

• Bullgaria

• Bahrejni

• Azerbajxhani

• Hungaria

• Indonezia

• Jordania

• Kazakistani

• Katari

• Kosova

• Maroku

• Pakistan

• Paraguai

• Arabia Saudite

• Turqia

• Emiratet e Bashkuara Arabe

• Uzbekistan

• Mongolia

Bordi i Paqes është një organ ndërkombëtar i ri, i iniciuar nga Trump, që synon mbikëqyrjen e zbatimit të planeve të paqes në zonat e konfliktit, me fokus fillestar në Rripin e Gazës. Sipas planit të Trumpit, Bordi përshkruhet si një “organ ndërkombëtar tranzitor” që do të ndihmojë në mbikëqyrjen e rindërtimit të enklavës palestineze, me udhëheqës botërorë në përbërje dhe Presidentin Trump në krye.

Ky hap thekson angazhimin e Kosovës në iniciativat ndërkombëtare për paqe dhe pjesëmarrjen aktive në forumet globale./Albinfo.ch

---