OKB, kritika dhe lëvdata për sistemin penal të Zvicrës

Ndonëse Zvicra ka ratifikuar konventën anti – torturë të OKB-së, as torturimi dhe as keqtrajtimi i të burgosurve nuk janë të futura në mënyrë eksplicite si vepra penale konkrete

Zvicra duhet të fusë në mënyrë eksplicite në Ligjin e saj Penal si vepra penale edhe Tortur., Po ashtu ajo duhet të merret më shumë me zgjidhjen e problemit me mbipopullimin e burgjeve, kushteve pjesërisht jo të mira në burgje si dhe me përkujdesjen e mangët shëndetësore.

Këto janë vërejtjet që i ka bërë Komisioni i OKB-së kundër torturës. Ky komision pajtohet kështu me qëndrimet e organizatave të tjera si Amnesty International dhe Humanrichts.ch.

Nga ana tjetër, dhjetë anëtarët e komisionit të përmendur kanë lavdëruar dje në Gjenevë raportin anti-torturë të autoriteteve federale zvicerane. Ata e kanë quajtur model për vendet tjera këtë raport. Por, sipas tyre, faktori kryesor që pengon luftimin efektiv të torturës është mungesa në Kodin Penal të Zvicrës e një definicioni për torturën.

Ndonëse Zvicra ka ratifikuar konventën anti – torturë të OKB-së, as torturimi dhe as keqtrajtimi i të burgosurve nuk janë të futura në mënyrë eksplicite si vepra penale konkrete.

Megjithatë në raportin zviceran kundër torturës argumentohet se, edhe pse nuk ka definicion eksplicit, në Zvicër mund të ndiqen penalisht të gjitha llojet e torturave.