Aksident i rëndë trafiku, humbin jetën dy vajza të vogla

Në një aksident të rëndë trafiku që ka ndodhur mbrëmë në segmentin e autostradës A4 në mes të Goldau dhe Küssnacht (kantoni Schwyz), kanë humbur jetën dy vajza të moshës 2 dhe 3 vjeçare. Në makinën që ka pësuar, lëndime të rënda ka marrë edhe vozitësja, një grua 30 vjeçare dhe një vajzë 4 vjeçe, njofton policia.

Vetura është përplasur në një kamion që kishte pësuar një defekt dhe shoferi i tij e kishte vendosur në shiritin ndihmës, duke e vënë edhe sinjalin përkatës për siguri, njofton srf.ch.

Pas përplasjes, vetura është hedhur mbrapa në korsinë ku qarkullonin automjetet, me ç`rast është goditur nga një veturë që po vinte nga mbrapa. Ngasësja 60 vjeçare e kësaj të fundit ka pësuar lëndime të lehta dhe është dërguar në spital.

Segmenti i autostradës është mbajtur i bllokuar dri në orën 2 të mëngjesit të sotëm.