Zvicër: Vera i lëshon radhën shirave dhe stuhive

Në Nyon, buzë Liqenit të Gjenevës uji ka vërshuar dhe përmbytur nënkalimin në Stacionin Hekurudhor të qytetit

Vera e gjatë me temperatura të larta duket se do të përfundojë, njëherë për njëher, sot. Ndërsa në orët e vonshme të pasdites dhe në mbrëmjen e të enjtes një pjesë e madhe e Zvicrës dhe në veçanti pjesa e saj perëndimore, është goditur nga stuhi të fuqishme.

Kështu në Nyon, buzë Liqenit të Gjenevës uji ka vërshuar dhe përmbytur nënkalimin në Stacionin Hekurudhor të qytetit.

Edhe në pjesë të tjera të vendit janë regjistruar shira me erëra të forta ndërsa vende-vende, veç shiut ka pasur ehde breshër.

Shërbimet meteorologjike parashikojnë edhe për të premten (sot) stuhi të fuqishme. Por, sipas Meteo srf, paraditja e të premtes në zonën lindore të vendit do të jetë me diell ndërsa më vonë do të dominojnë vranësirat dhe do të ketë reshje shiu.

Temperaturat më të larta sot do të jenë deri në 24 gradë celsius.