Shqiptari ndërton një nga superkompjuterët më të mëdhenj për Inteligjencën Artificiale

Uljan Sharka ndërton ‘Colosseum’, superkompjuteri me modele AI mbi 1 trilion parametra

Uljan Sharka, CEO i kompanisë milaneze iGenius, shpesh e quajtur “OpenAI italiane” – po ndërton një nga superkompjuterët më të mëdhenj në botë për Inteligjencën Artificiale, shkruan albinfo.ch.

Superkompjuteri i ri quhet Colosseum dhe do të jetë një nga SuperPOD-et më të mëdhenj Nvidia DGX në botë, i pajisur me superçipet më të avancuara Nvidia Grace Blackwell.

Karakteristikat kryesore të projektit përfshijnë:

• Mijëra superçipa për performancë maksimale

• Trajnim në kohë reale të modeleve AI

• Modele LLM me mbi 1 trilion parametra

• Zbatim të teknologjisë në financë, shëndetësi dhe sektorin publik globalisht

Projekti i Sharkës është raportuar nga prestigjiozja italiane Il Sole 24 Ore, duke e vendosur talentin shqiptar në qendër të revolucionit global të Inteligjencës Artificiale.

Nga Shqipëria drejt teknologjisë së së ardhmes, ky projekt është një dëshmi se shqiptarët po shkëlqejnë në fushat më inovative të botës./Albinfo.ch

---