Numër i madh i azilkërkuesve të mitur pa prindër

Kurrë më parë nuk kanë qenë më shumë fëmijë azilkëkues që kanë kërkuar shpëtim në Zvicër pa prindërit e tyre. Në shtatë muajt e parë të 2015-ës, autoritetet kanë regjistruar deri më tani984 të mitur të pashoqëruar. Kjo është tashmë më shumë se në gjithë vitin 2014.

984 azilkëkuesit e mitur kanë udhëtuar të pashoqëruar në Zvicër. Kjo dëshmohet nga raportet e publikuara nga Sekretariati Shtetëror për Migrim. Kështu numri i azilkërkuesve të vegjël është aq i lartë sa kurrë më parë.

Rreth dy të tretat e kanë origjinën nga Eritreja – pothuajse të gjithë janë meshkuj. Shumica e tyre kanë ikur nga shërbimi ushtarak ose trajtim arbitrar në vendin e origjinës.

Për shumë vjet numri i të miturve, të cilët kishin ikur pa prindër nga shtëpitë e tyre në Zvicër nuk kishte regjistruar rritje të madhe. Një rritje e vogël ishte në vitin 2014. Brenda një viti numri i të ashtuquajturve „UMA” të saporegjistruar pothuajse ishte dyfishuar në rreth 800.

“Kjo është një sfidë e madhe për kantonet që duhet të ofrojnë strehim të mjaftueshëm për azilkërkuesit e mitur të pashoqëruar”, thotë politikani Susanne Hochuli nga Argaur.