Identifikohen viktimat e tragjedisë në Shëngjin

Janë identifikuar dy të rinjtë nga Kosova që humbën jetën tragjikisht në zonën e Ranës së Hedhur në Shëngjin. Viktimat janë Leonid Alia nga Fushë Kosova dhe Jetmir Çopa nga Prishtina.

Ngjarja ka ndodhur pasditen e së mërkurës, kur katër të rinj u futën në det për t’u larë dhe u përfshinë nga dallgët e forta. Dy prej tyre nuk arritën të mbijetojnë.

Dy të rinjtë e tjerë janë nxjerrë nga uji dhe po trajtohen në spital, ku ndodhen në gjendje të rëndë.

Autoritetet shqiptare dhe ekipet e kërkim-shpëtimit kanë ndërhyrë në vendngjarje dhe po hetojnë rrethanat e plota të rastit.