Në të gjithë Zvicrën, të rinjtë po demonstrojnë nga shqetësimi për të ardhmen e tyre. Me demonstratat e tyre të lejuara nga policia, lëvizja greviste rinore po kërkon t’i jepet fund “garës shkatërruese të armatimeve”, tranmseton albinfo.ch.
Për këtë qëllim, ata po kërkojnë më shumë fonde për mbrojtjen e klimës, kujdesin shëndetësor dhe shërbimet sociale, si dhe arsimin dhe infrastrukturën.
Cyrih
Sipas një gazetari nga Keystone-SDA, rreth 3,000 njerëz u mblodhën në Zurich për të protestuar. Pas orës 17 pasdite, u mbajtën fjalime të ndryshme. “Jemi jashtëzakonisht të zemëruar”, tha një folës. Marshimi filloi rreth orës 17:45. Itinerari i pralajmëruar çon nëpërmjet sheshit Limmatplatz dhe Langstrasse deri në sheshin në Tessinerplatz pranë stacionit të trenit Enge.
Greva të rinjsh në disa qytete
Bernë
Në Bernë, rreth orës 18:15, disa mijëra të rinj u nisën nga Münsterplatz për një tubim nëpër qytet. Marshimi filloi me thirrje të forta “Revolucion! Revolucion!” Policia shoqëroi marshimin me automjete, por nuk ndërhyri.
Më parë, disa qindra të rinj ishin mbledhur në Casinoplatz. Kishte kafe dhe çaj falas, dhe po bëheshin pankartat e fundit.
Organizatorët e demonstratës së autorizuar kishin bërë thirrje të qarta për një ngjarje paqësore. Pati disa ndërprerje të trafikut.
Bazel
Në Bazel, situata po fillon të përshkallëzohet. Demonstruesit janë barrikaduar brenda, dhe policia po përdor topa uji, raporton srf.ch. Në Bankverein, demonstruesit i vunë flakën simbolikisht një rezervuari kartoni. Të tjerë ndezën fishekzjarre dhe hodhën bomba me bojë në fasadat dhe ulën perdet e ndërtesës UBS.
Gjenevë
Studentët në Gjenevë iu bashkuan gjithashtu lëvizjes ndërkombëtare të grevës. Studentët nga Universiteti i Artit dhe Dizajnit të Gjenevës (HEAD) bllokuan hyrjen në një ndërtesë në Boulevard James-Fazy. Një banderolë e madhe varej përpara ndërtesës Uni Mail me sloganin “Luftoni për të ardhmen tonë, jo për luftërat e tyre”.
Lozanë
Në Lozanë, rreth 500 nxënës të shkollave të mesme u mblodhën për një marshim paqësor. Studentët ngritën vija piketimi në kampuset e Universitetit të Lozanës dhe Institutit Federal Zviceran të Teknologjisë në Lozanë (EPFL) përpara se të mbahej një tubim i madh me sindikatat e sektorit publik për në mbrëmje.
Greva e të rinjve është një lëvizje ndërkombëtare që filloi në fillim të vitit 2026.