Skip to content

17 kantone nuk kontrollojnë kushtet e punës së shpërndarësve të ushqimit

just eat

Kushtet e punës së korrierëve mbeten pa kontroll në shumicën e kantoneve zvicerane, ndërsa vazhdon debati për statusin dhe mbrojtjen e tyre sociale.

Kushtet e punës së shpërndarësve të ushqimit nuk kontrollohen në shumicën e kantoneve zvicerane. Sipas një ankete të radiotelevizionit publik zviceran SRF, vetëm pesë kantone kryejnë kontrolle, 17 nuk kontrollojnë, ndërsa katër nuk kanë dhënë informacion, përcjell albinfo.ch.

Disa autoritete e arsyetojnë këtë me paqartësitë rreth statusit të korrierëve, nëse duhet të konsiderohen të punësuar apo të vetëpunësuar.

Çështja ka marrë vëmendje pas vendimit të Just Eat për të bashkëpunuar më shumë me korrierë të vetëpunësuar, sipas modelit të konkurrentit Uber Eats. Kompania thotë se ndryshimi është i nevojshëm për të ruajtur konkurrueshmërinë dhe se përputhet me standardet ligjore.

Sindikatat e kundërshtojnë modelin, duke ngritur shqetësime për pagat dhe mbrojtjen sociale.

Sipas profesorit të së drejtës sociale në Universitetin e Bazelit, Kurt Pärli, përcaktimi i statusit është vendimtar për të drejtat që lidhen me pushimet, pagat dhe kontributet shoqërore./Albinfo.ch