A do të garojë PD në zgjedhjet lokale në Shqipëri?

Afati prej 48 orësh për Partinë Demokratike për plotësimin e dokumenteve për aplikim për zgjedhjet lokale të 14 majit ka përfunduar.

Grupi i udhëhequr nga Enkelejt Alibeaj i ka dorëzuar një letër Komisionit Qendror të Zgjedhjeve, ku i sqaron se dokumentacioni i tyre është i plotë dhe duhet t’i pranohet aplikimi.

Kryekomisioneri i KQZ-së në Shqipëri dy ditë më parë ka refuzuar kërkesën e grupit të Sali Berishës për të marrë pjesë në zgjedhjet lokale, ndërkohë që Alibeajt i kishte thënë të plotësonte brenda 48 orëve dokumentacionin, pasi që zotimin për zgjedhje të lira do të duhej ta bënte kryetari i shpallur i ligjshëm i PD-së, Lulzim Basha, dhe jo Enkelejd Alibeaj, që kishte autorizim, shkruan Zëri i Amerikës, përcjell albinfo.ch.

Grupi demokratik i Berishës duhet të presë koalicion të marrë pjesë në zgjedhje, e grupi i Alibeajt do të presë vendimin e KQZ-së.