Aksident zinxhiror në Gjermani, një i vdekur dhe shtatë të lënduar

Raportohet se një grua 60 vjeçe në Gjermani ka humbur jetën në një aksident trafiku, ku mbetën të lënduar edhe shtatë persona të tjerë, përcjell albinfo.ch.

Në aksidentin zinxhiror në Bavari ishin të përfshirë 4 vetura të dëmtuara rëndë, ndër të cilat edhe një veturë e policisë.

Siç raporton Policia në Gjermani, gruaja 60-vjeçare që po voziste një veturë të tipit “Seat” u përplas me një Hyundai që vinte drejt saj.

Vetura “Seat”  që rrotullohej u ndal vetëm kur u përplas me një makinë patrullimi policie që po lëvizte pas Hyundai-t.

Momentalisht është duke u përcaktuar shkaku i aksidentit. Derisa, siç shkruan Bild, në total ka pasur dëme rreth 100 mijë euro.