Alpinistja Uta Ibrahimi bën thirrje për ta pastruar planetin

Kosova do të drejtojë Fushatën Globale për Pastrimin e Botës (World Cleanup Day), përcjell albinfo.ch.

Kosova po ashtu u shpall vend model për organizimin e fushatës nacionale “Ta pastrojmë Kosovën” nga organizata “Let’s do it Kosova”.

Tashmë, “Let’s do it Kosova” ka lansuar edhe videon për fushatën “World Cleanup Day”, protagoniste e së cilës është alpinistja Uta Ibrahimi. Ajo u ka bërë thirrje qytetarëve që më 21 shtator të dalin dhe ta pastrojnë ambientin.

“Unë jam Uta Ibrahimi, alpiniste, dhe i kam ngjitur katër majat më të larta në botë. Unë jam krenare që vij nga Kosova, një vend i vogël që po udhëheq një fushatë kaq të madhe të pastrimit. Ju ftoj të gjithëve, që më 21 shtator të më bashkoheni mua dhe të gjithë të tjerëve për të pastruar planetin tonë”, thotë Ibrahimi, përcjell albinfo.ch. 

Video: https://www.facebook.com/letsdoitkosovo/videos/341930013189814/