Njoftim nga Ambasada e Republikës së Kosovës në Bernë

Ambasada e Republikës së Kosovës në Bernë përmes një postimi në rrjetin social “Facebook” njofton shtetasit e saj, të cilët jetojnë dhe qëndrojnë në Zvicër se me përjashtim të rasteve emergjente, shërbimet e rregullta konsullore në Konsullatën e Përgjithshme në Gjenevë, Konsullatën në Cyrih dhe në Ambasadën në Bernë për këtë vit kalendarik përfundojnë nga data 25 dhjetor 2022.

Ofrimi i shërbimeve konsullore do të fillojë prapë në Vitin e Ri kalendarik 2023, pas përfundimit të festave zyrtare në Republikën e Kosovës.

Ambasada dhe Konsullatat u bëjnë thirrje shtetasve të Republikës së Kosovës, të cilët mund të kenë nevojë për çfarëdo shërbime, sidomos për pajisje të certifikatave me fotografi për fëmijë e fletudhëtime që t’i marrin ato para kësaj date.

Ambasada tutje njofton se për shërbimet e fundit konsullore nuk ka nevojë të bëhet termin paraprak, por mjafton paraqitja para Ambasadës ose Konsullatës me dokumentet që kërkohen dhe brenda orarit të punës./Albinfo.ch