Ambasadori gjerman: Duhen akoma përpjekje për zbatimin e marrëveshjeve të arritura

Foto Twitter: @GermanAmbKOS

Ambasadori i Gjermanisë në Kosovë, Jorn Rohde, i ka bërë thirrje Kosovës që të bëjë zbatimin e marrëveshjeve të arritura me Serbinë.

Ai shton se është e rëndësishme “që të arrihet një momentum në bisedimet me Serbinë”.

“Gjermania i ka ofruar asistencë të madhe shtetit të Kosovës në arritjen e reformave… Kosova ka mbetur e përkushtuar në dialogun e lehtësuar nga BE-ja, por duhet akoma përpjekje për zbatimin e marrëveshjeve të arritura”, ka thënë ai, përcjell albinfo.ch.

Ambasadori gjerman thotë se është bërë progres i kufizuar në sesionet parlamentare, duke përmendur mungesën e bashkëpunimit mes partive për votimin e marrëveshjeve ndërkombëtare.

“Raporti për Kosovën duhet të shihet që të na kujtojë të gjithëve se cilat reforma duhet të bëhen që Kosova të avancojë në qëllimin e saj që të bëhet anëtare e BE-së. Reformat nuk duhet bërë vetëm nga Qeveria, por edhe nga Kuvendi”, ka thënë ai, shkruan koha.net.