Arlinda Zekaj, e cila dyshohet se u vra të dielën në Vitomiricë të Pejës nga kunati i saj, do të përcillet sot në banesën e fundit. Lajmi për vdekjen e saj ka tronditur opinionin publik, ndërsa rrethanat e rastit janë ende në qendër të hetimeve, përcjell albinfo.ch.
Sipas njoftimit të familjes, ceremonia mortore do të mbahet sot, më 27 tetor, duke filluar nga ora 15:00, në fshatin Radac të Pejës.
Ndërkohë, i dyshuari për rastin, Albert Sylaj, sipas Policisë, vazhdon të jetë në arrati. Autoritetet janë në kërkim të tij, ndërsa rasti mbetet nën hetim.
Vdekja e Arlinda Zekajt ka rikthyer në vëmendje shqetësimin për dhunën ndaj grave dhe dhunën në familje, si dhe rëndësinë e parandalimit të rasteve të tilla dhe të mbrojtjes së jetës së grave. /Albinfo.ch
