Futboll

Asiston Shaqiri

E hënë, 7 Tetor 2024 - 9:21 albinfo.ch

(KEYSTONE/Georgios Kefalas)

Ylli shqiptar, Xherdan Shaqiri, ka bërë asistimin e parë në Superligën zvicerane.

Asistimi i tij ishte i rëndësishëm, pasi Baseli e fitoi derbin ndaj Young Boysit.

Baseli të dielën fitoi 1:0 në ndeshjen e xhiros së nëntë, transmeton albinfo.ch.

Shaqiri luajti deri në minutën e 72-të, ndërsa në golin e fitores asistoi në minutën e 52-të, kur shënoi Adrian Leon Barishiq. Shaqiri e ka edhe një gol të shënuar në Kupën e Zvicrës.

Shaqiri nuk ishte futbollisti i vetëm shqiptar në fushë, shkruan albinfo.ch.

Te Baseli në tërë ndeshjen luajti Leon Avdullahu, kurse Taulant Xhaka u inkuadrua nga minuta e 77-të. Kastriot Imeri te Young Boysi luajti vetëm në pjesën e parë.