Asllani sërish protagonist te Hoffenheim-i

Sulmuesi i Kosovës tani i ka 10 gola e 7 asistime në këtë edicion të Bundesligës gjermane

Futbollisti i Kosovës, Fisnik Asllani ka asistuar në barazimin e Hoffenheimit ndaj Stuttgartit, që ishte përballje direkte për vendin e katërt në Bundesligë, që dërgon në Ligën e Kampionëve.

Hoffenheim-i ishte afër që t’i fitonte pikët e plota, por pranoi gol në minutën e 95-të dhe ndeshja e xhiros së 32-të e Bundesligës, u mbyll 3:3.

Hoffenheimi mbetet në vendin e pestë me 58 pikë, sa i ka edhe Stuttgarti në pozitën e katërt.

Asllani në sulm, Leon Avdullahu në mesfushë dhe Albian Hajdari në mbrojtje, ishin titullar dhe patën paraqitje shumë të mirë në këtë ballafaqim.

Sulmuesi i Kosovës tani i ka 10 gola e 7 asistime në këtë edicion të Bundesligës gjermane.

Asllani u zëvendësua në minutën e 90-të, kurse Avdullahu dhe Hajdari e kompletuan ndeshjen.

 

---