Biletat në shitje për ndeshjen e Kosovës më 31 mars në “Fadil Vokrri”

Biletat në shitje për ndeshjen e Kosovës më 31 mars ndaj Turqisë ose Rumanisë

Fati i kësaj ndeshjeje lidhet drejtpërdrejt me përballjen e Kosovës në Sllovaki, ku përcaktohet nëse sfida e 31 marsit do të jetë finale e plejofit apo një ndeshje miqësore, përcjell albinfo.ch.

Federata e Futbollit e Kosovës ka njoftuar se kanë dalë në shitje biletat për ndeshjen që do të zhvillohet më 31 mars 2026, në ora 20:45, në stadiumin “Fadil Vokrri” në Prishtinë.

Në rast fitoreje në Sllovaki, Kosova do të luajë një finale vendimtare për kualifikim ndaj fituesit të çiftit Turqia – Rumania. Ndërsa në rast humbjeje, ndeshja do të shërbejë si miqësore ndaj humbësit të këtij dueli.

Interesimi për këtë takim pritet të jetë i madh, duke qenë një sfidë vendimtare për historinë e futbollit kosovar ose një test i rëndësishëm ndaj kundërshtarëve të fortë evropianë. /Albinfo.ch 

 

---