Borrell: Marrëveshja e Ohrit, pjesë e rrugës së Kosovës e Serbisë në BE

Dy ditë pas arritjes së marrëveshjes mes Kosovës e Serbisë, përfaqësuesi i lartë i Bashkimit Evropian, Josep Borrell, raportoi para ministrave të jashtëm për takimin e Ohrit.

Sipas tij, marrëveshja e arritur atje konsiderohet si pjesë përbërëse e rrugës evropiane për Kosovën dhe Serbinë.

“Kishim diskutime të gjata, dhe më në fund kemi një marrëveshje, e cila do të konsiderohet si pjesë integrale e rrugës evropiane për të dyja vendet. BE-ja do të jetë pjesë e kapitujve të negociatave me Serbinë, kapitulli 35, dhe do të përfshihet në dokumentet e normalizimit dhe kërkesat për Kosovën. Pra, tani është diçka përpiluese dhe ne do të duhet të shikojmë nga afër zbatimin, të dyja palët ranë dakord dhe u angazhuan për ta bërë atë. Pra, le të shikojmë me kujdes se si do të ndodhë”, tha Borrell.