Borrell tregon se kur publikohet propozimi evropian

Shefi i diplomacisë së Bashkimit Evropian, Josep Borrell ka deklaruar se liderët e dy vendeve Kosovës e Serbisë janë pajtuar që nuk nevojiten diskutime të tjera sa i përket planit evropian.

“Jam i lumtur të lajmëroj që presidenti Vuçiq dhe kryeministri Kurti sot janë pajtuar se nuk nevojiten diskutime të tjera sa i përket propozimit të Bashkimit Evropian i cili e ka titullin propozimi për normalizimin e marrëdhënieve në mes të Kosovës dhe Serbisë, dhe ata janë pajtuar që nuk nevojiten diskutime të tjera, ky është propozimi që do të publikohet në shërbimin e jashtëm të Bashkimit Evropian. Kjo marrëveshje është mbi të gjitha për qytetarët e Kosovës dhe të Serbisë dhe jo për Bashkimin Evropian, kjo është për qytetarët e Kosovës dhe të Serbisë. Kjo bëhet në mënyrë që njerëzit të mund të lëvizin lirshëm në Kosovë dhe Serbi duke përdorur pasaportat e tyre si dhe targat, kjo do të thotë se njerëzit sot të mund të punojnë pa u pyetur nëse diplomat e tyre ku i kanë marrë ato që të mund të verifikohen ose nostrifikohen. Dhe mund të sjell mundësi të reja ekonomike dhe ndihmë të madhe ekonomike dhe investime në Kosovë”, tha Borrell.

Ai ka thënë se një takim tjetër i nivelit të lartë pritet të mbahet nga mesi i muajit mars.