Rama thotë se lajmi “burg për ngrohje mbi 19 gradë…” nuk doli nga ai

Kryeministri i Shqipërisë, Edi Rama, postoi në rrjetet sociale disa linqe të medieve të huaja që shkruan për lajmin në fjalë.

Kryeministri i Shqipërisë, Edi Rama, ka dhënë sqarime në lidhje me lajmin se “në Zvicër, 3 vjet burg po u ngrohe me 19 gradë”, që është përhapur kudo. Ky lajm, sipas tij, nuk ka dalë nga ai vetë, por nga mediet zvicerane.

Rama postoi në rrjetet sociale disa linqe të medieve të huaja që shkruan për lajmin në fjalë.

“Ky lajm është përhapur gjithandej, jo nga unë, po nga vetë mediet zvicerane. Në bashkëbisedimin e sotëm publik, pasi një gazetare shpjegoi, se sipas ambasadorit zviceran ky ishte keqkuptim, kërkova madje edhe ndjesë, pavarësisht se s’kam asnjë gisht në ndërkombëtarizimin e këtij lajmi me burim medien zvicerane. Tani po bashkëngjis një postim kuptimplotë pas bashkëbisedimit publik dhe dy nga shumë linqet e lajmit në fjalë! Jam i bindur që e bëni vetë dallimin mes kujt ka respekt për të vërtetën e për publikun dhe kujt burimet e informimit i përdor për helmimin masiv të publikut!”, shkroi Rama.

https://nationworldnews.com/crisis-in-switzerland…/ https://www.dailymail.co.uk/…/Switzerland-considers… https://www.20min.ch/…/de-lourdes-sanctions-guettent…

 

---