Skip to content

Caritasi i Zvicrës nënshkruan memorandum me Universitetin e Gjakovës

Caritas Switzerland in Kosovo (Fb)

Me qëllim të përmirësimit të cilësisë së arsimit dhe ofrimit të shërbimeve në nivelin parafillor në Kosovë, Caritasi Zviceran ka nënshkruar një Memorandum Mirëkuptimi me Fakultetin e Edukimit, Universiteti i Gjakovës “Fehmi Agani”.

Kjo marrëveshje u nënshkrua në kuadër të projektit “SHPRESË”, përcjell albinfo.ch.

“Në vitet në vijim, një numër aktivitetesh do të realizohet së bashku me Fakultetin e Edukimit në Gjakovës, për të përmirësuar kapacitetin e edukatorëve të ardhshëm në metodologjitë bashkëkohorë në arsimin parafillor”, thuhet në njoftimin e tyre.

Ditë më parë, Caritasi Zviceran ka nënshkruar një memorandum të ngjashëm edhe me Fakultetin e Edukimit në Universitetin e Mitrovicës.