Challandes: Jemi të motivuar përballë Spanjës

Përzgjedhësi i Kosovës beson te lojtarët e tij për sfidën ndaj Spanjës, që zhvillohet nga ora 20:45 në Sevilla

Trajneri i Kosovës, Bernard Challandes, ka thënë se skuadra po përgatitet dhe për është kënaqësi të luajë kundër një skuadre si Spanja.

“Pas humbjes nga Suedia nuk është e lehtë të vijmë këtu në Spanjë dhe të përgatitemi për këtë ndeshje. Por, është nder dhe kënaqësi të luajmë kundër ekipit më të mirë në botë. Jemi munduar të përgatitemi sa më mirë dhe jemi të gatshëm”, është shprehur Challandes, përcjell albinfo.ch.

Më tej ai shtoi se ka një ekip të motivuar dhe ndeshjet do t’i marrin një e nga një.

“Unë menaxhoj një ekip të mirë, ekip më lojtarë shumë të motivuar. Jemi shtet i ri i futbollit dhe duhet të përparojmë, duhet të marrim çdo ndeshje një nga një. Në veçanti ndeshja kundër Spanjës është mundësi për ta treguar progresin e ekipit që është bërë në mënyrë konstante dhe gjatë kësaj periudhe”, tha ai.

Në fund premtoj se do mundohen të japin më të mirën për sfidën që zhvillohet nga ora 20:45.

Spanja barazoi me Greqinë dhe fitoi ndaj Gjeorgjisë, derisa Kosova ka pësuar humbje nga Suedia.

 

---