Christoph Blocher para hetimit penal

Ish Këshilltarit federal i kontrollohet shtëpia dhe kundër tij hapet një procedurë penale për dhunim të sekretit bankar

Shtëpia e Christoph Blocher është kontrolluar sot në kuadër të aferës Hildebrand. Më konkretisht, të martën, Prokuroria publike e Cyrihut ka urdhëruar një kontrollim në shtëpinë dhe në njërënm ndër selitë e firmave të këshilltarit nacional aktual të SVP-UDC, Christophe Blocher, i dyshuar për dhunim të sekretit bankar.

Procedura e hapur të hënën duhet të përcaktojë nëse Christoph Blocher ka marrë pjesë në formë të dënueshme penalisht, në rastin e trasmetimit të të dhënave bankare dhe të besueshme nga një informaticient i bankës private Sarasin, njofton një komunikatë e Prokurorisë publike, pa dhënë detaje tjera për arsye të prezumimit të pafajësisë.

Prokuroria publike është duke hetuar që nga fillimi i muajit janar mbi çështjen Hildebrand. Ndër personat tjerë që janë nën shënjestër janë avokati si dhe deputeti i SVP-UDC Hermann Lei, kolegu i tij nga Cyrihu, Claudio Schmid si dhe informaticienti i bankës Sarasin.

SVP-UDC, ose partia e Christoph Blocher është distancuar nga kjo aferë. Guy Parmelin, nënkryetar i SVP-UDC ka thënë për Radio Televizionin Zviceran se « SVP-UDC nuk është e involvuar » dhe se kjo është çështje mes drejtësisë dhe Christoph Blocher.

Kuptohet po ashtu nga Kuvendi Federal se askush nga deputetët nuk ka kërkuar imunitet parlamentar. Imuniteti aktivizohet vetëm nëse ndodh ndonjë thyerje ligjore që ndërlidhet drejtëpërdrejtë me aktivitetet parlamentare. Një deputet-e mund të ndiqet vetëm me autorizimin e dy komisioneve kompetente të dy dhomave parlamentare.