Në Shqipëri, fundi i muajit gusht dhe fillimi i shtatorit kanë sjellë rritje të rasteve të pacientëve të infektuar me Covid-19. Instituti i Shëndetit Publik ka raportuar se çdo javë konfirmohen 500 raste të prekur me variantin Omicron, por ndërkohë ka shumë raste të tjera, të cilët nuk janë testuar, shkruan TCH, përcjell albinfo.ch.

Eksperti Artan Simaku ka njoftuar se ka një trend rritje, pasi 19 për 100 mijë është incidenca në javë.

“Numër i ulët krahasuar me vitin e kaluar, por trendi pritet të rritet në vijim. Në vjeshtë rritet qarkullimi i Covid, gripit dhe viruseve të tjera respiratore”, tha ai.

Ndryshe, deri më tani për të kuptuar se cili variant i Covid-19 qarkullon në Shqipëri, dërgoheshin mostra në laboratorë të referencës jashtë Shqipërisë, ndërsa në muajin tetor sekuencimi gjenetik i virusit do të kryhet në laboratorin e Institutit të shëndetit publik në Tiranë.