Cyrihu inauguron rrjetin e ri hekurudhor

Armend Berisha - Cyrih

Limmattalbahn i përfunduar, një tramvaj që lidh kantonet e Cyrihut dhe Aargaut, u përurua të dielën, përcjell albinfo.ch.

Në përurimin e kësaj linje trafiku ka marrë pjesë (ende) ministrja e transportit Simonetta Sommaruga, e cila ka dhënë dorëheqjen nga posti. Ky ishte aktiviteti i saj i fundit publik në cilësinë e ministres federale.

Pas 12 vjet planifikimi dhe ndërtimi, tramvaji 13.4 km i gjatë do të kalojë nga Cyrih-Altstetten në Killwangen-Spreitbach, duke ndaluar në 27 stacione përgjatë itinerarit.

“Limmattalbahn forcon masivisht transportin publik, si shtylla kurrizore e lëvizshmërisë së Cyrihut”, tha në inaugurim drejtoresha e ekonomisë e kantonit, Carmen Walker Späh, duke shtuar se lidhja e re hekurudhore “do të rrisë cilësinë e jetës dhe gjithashtu atraktivitetin e të gjithë rajonit”.