Dënohen pesë shqiptarë në Angli, prodhonin drogë brenda një shtëpie të braktisur të kujdesit shëndetësor

Pesë shqiptar dhe një i huaj, janë dënuar me burg në Angli, pasi janë kapur me një fermë kanabisi, që e kishin ndërtuar brenda në një shtëpi të braktisur të kujdesit shëndetësor.

Me nga 18 muaj burgim janë dënuar tre nga shqiptarët, ndërsa dy të tjerët dhe personi me nacionalitet tjetër u dënuan nga 16 muaj qëndrim prapa grilave, shkruan TCH, transmeton albinfo.ch.

Tutje bëhet e ditur se sipas hetimeve, ferma e kanabisit drejtohej nga shqiptarët në formën e një grupi të organizuar kriminal, të cilët u kapën më 4 dhjetor të vitit të kaluar në Moorfield House, në Fieldhouse Walk, Moortown.

Policia gjeti 811 bimë kanabisi, që sipas llogarive, do të prodhonin 44 kg lëndë narkotike, me një vlerë deri në 446.000 funta (mbi 520 mijë euro).

Në fermë janë konfiskuar edhe pajisje të tjera, të cilat kapnin vlerën e 45 mijë paundëve (mbi 52 mijë euro).

Shqiptarët u arrestuan në vendngjarjen dhe u akuzuan për prodhim kanabisi.