Diaspora pritet t’u japë ‘goditjen e fundit’ rezultateve të zgjedhjeve në Kosovë

Diaspora do ta vulosë rezultatin e zgjedhjeve

Komisioni Qendror i Zgjedhjeve ka pranuar 43 mijë e 477 pako me fletëvotime, që janë dërguar me postë nga qytetarët e Kosovës që jetojnë jashtë vendit, transmeton albinfo.ch.

Njohësi i çështjeve politike në vend, Albert Krasniqi, thotë se numri i votave nga diaspora do të ndryshojë rezultatin e zgjedhjeve nacionale në Kosovë, transmeton albinfo.ch.

Sipas tij, këto vota mund të shtojnë ulëse për Lëvizjen Vetëvendosje dhe se ka numër historik të votave nga diaspora për këto zgjedhje.

Votat që kanë ardhur nga diaspora kosovare pritet të kenë ndikim në rezultatin final të zgjedhjeve të 14 shkurtit.

“Nëse siç thuhet rreth 80 mijë vota llogaritet të jenë të vlefshme nga rreth 110 mijë sa janë konfirmuar tashmë, kjo do të mund të përbënte ndoshta jo përmbysje të rezultatit, por parti të caktuara do t’i favorizonte apo penalizonte shumë, sepse llogaritet që 80 mijë vota do të jetë 10% i atyre që pritet të dalin përgjithësisht në votime në Kosovë, prandaj partitë politike janë të vetëdijshme besoj për këtë. Prandaj, partitë politike janë të mobilizuara aq sa kanë lejuar mundësitë për shkak të krizës shëndetësore”, u shpreh analisti politik Rrahman Paçarizi.

 

---