Vonohet ardhja e 6 milionë dozave të vaksinës “Novavax” në Zvicër

Dorëzimi do të vonohet edhe më tej, derisa Zvicra do ta aprovojë vaksinën

Ndërsa programi i inokulimit në Zvicrë me vaksinat Pfizer / Biontech dhe Moderna është në aktivitet të plotë, edhe 6 milionë doza vendi ka porositur nga prodhuesi amerikan Novavax, të cilat ende nuk janë dorëzuar, transmeton albinfo.ch.

Dhe, pasi Novavax nuk ka paraqitur ende një kërkesë për aprovim në Zvicër, dorëzimi do të vonohet edhe më tej, tregojnë zyrtarët e informimit nga Novavax.

Ndryshe nga vaksinat Pfizer dhe Moderna, të cilat përfshijnë të ashtuquajturën teknologji mRNA, Novavax është i bazuar në proteina, duke e bërë atë veçanërisht të përshtatshëm për goditje përforcuese ose kundër mutacioneve të reja të koronavirusit. /Albinfo.ch

---