Dy shqiptaret u kurorëzuan si Miss Universe Albania dhe Kosova 2020

Paula Mehmetukaj dhe Blerta Veseli u kurorëzuan si Miss Universe Albania dhe Kosova 2020, shkruan albinfo.ch.

Në një spektakël me plot emocione dhe surpriza, nata finale e “Miss Universe Albania and Kosovo” zgjodhi dy vajzat më të bukura të Shqipërisë dhe Kosovës.

Duhet theksuar se Blerta Veseli është zgjedhur më e bukura e Kosovës, ndërsa Paula Mehmetukaj u kurorëzua si fituesja e Shqipërisë. Dy fitueset do të përfaqësojnë Shqipërinë dhe Kosovën në Miss Universe 2021.

26 konkurentet në mbrëmjen finale të spektaklit që u transmetua ekskluzivisht në Vizion Plus dhe në Klan Kosova, sfiluan nën tingujt e muzikës së përzgjedhur të interpretuar nga këngëtarët më në zë të momentit.

Mbrëmja përcolli emocione të rralla për garuesit dhe të ftuarit e shumtë. /Albinfo.ch