E “shkruan” me plug lutjen për martesë

Pasi që me plugun e tij i “shkruan” shkronjat me një gjatësi prej 137 metrash secilën, Loren sheh se e kishte bërë një gabim: në vend Jody ai e kishte shkruar Lody emrin e të dashurës

Fermeri amerikan Loren Lenz nuk dëshironte një martesë të zakonshme, monotone. Dhe atij i kishte shkrepur një ide origjinale: të lëvronte në njërën nga arat e tij të pambjella një kërkesë për martesë drejtuar të dashurës së tij Jody Schaefer. Kjo lavër duhej të ishte mjaft e madhe dhe impozante sa të mund të shihej nga aeroplani (i vogël).

Pasi që me plugun e traktorit të tij i “shkruan” shkronjat me një gjatësi prej 137 metrash secilën, Loren sheh se e kishte bërë një gabim: në vend Jody ai e kishte shkruar Lody emrin e të dashurës. Përmirësimi i gabimit do t`i kushtonte me shumë kohë dhe mund, pastaj, ai ishte i sigurt se Jody do t`ia falte gabimin dretshkrimor.

Kështu edhe ndodhi. Ai e shtyri Jody-n, e cila nuk e kishte idenë për befasinë,  të hipte në një aeroplan të vogël dhe të fluturonte bashkë me të në afërsi për të kërkuar gjoja nga ajri një makinë të humbur.

Vetëm atëherë Jody e sheh nga lartësia shpalljen e pazakonshme për martesë që i drejtohej asaj dhe domosdo, i thyhet zemra. Ajo , sigurisht, me këtë rast nuk bën vërejtje gramatikore.

Lanz ndërkaq e mbante unazën gati dhe, ja, martesa u kurorëzua.

Në fakt kurorëzimi zyrtar do të bëhet më 19 janar.