Edhe De Biasi uron Kosovën

Listës së urimeve për pranimin e Kosovës i është shtuar edhe Gianni De Biasi, përzgjedhës i Kombëtares shqiptare

Federata e Futbollit e Kosovës (FFK) është vërshuar nga telegramet e urimeve, pasi u pranuan në UEFA, një moment historik për futbollin kosovar, por edhe për Kosovën, shkruan albinfo.ch.

Edhe përzgjedhësi i Kombëtares shqiptare, Gianni de Biasi ka uruar Kosovën për pranimin në UEFA. Këtë e ka bërë të ditur FFK-ja përmes një komunikate për media.

“Në vazhdën e telegram-urimeve që po i arrijnë FFK-së dhe kryetarit Fadil Vokrri me rastin e pranimit të FFK-së në UEFA sot një urim i veçantë është edhe urimi i përzgjedhësit të Kombëtares së Shqipërisë, Gianni De Biasi, i cili uron kryetarin Vokrri dhe gjithë klubet dhe futbollistët e Kosovës”, thuhet në komunikatë.

Më 3 maj Kosova është bërë pjesë e UEFA-s, ndërsa më 13 maj pret anëtarësimin edhe në FIFA.