Edhe dy kantone në Zvicër nisin vaksinimin e moshave të reja

Keystone - Tomek Baginski

Jura dhe Valais njoftuan se do të hapnin programin e tyre të vaksinimit për të gjithë nga mosha 16 vjeç, duke filluar përkatësisht nga 6 maj dhe mesi i majit, transmeton albinfo.ch.

Këto janë kantonet e para zvicerane që e bëjnë këtë ndryshim të moshës nga 16 vjeç. Shpejt edhe kantonet e tjera do të ndjekin këtë model.

Njerëzit në këtë grupmoshë do të marrin vaksinën Pfizer / Biontech, e vetmja e aprovuar për përdorim në këtë kategori moshe.

Në rastin e Valais, njerëzit e moshës 50 vjeç e lart do të kenë ende përparësi mbi grupet e reja, thanë zyrtarët. /Albinfo.ch