Edhe në vendet rurale të Zvicrës rritet shpejtësia e internetit

Këshilli Federal tha që ndikimet do të jenë veçanërisht të dobishme për banorët zviceranë në zonat rurale dhe rajonale, ku ka mundësi të kufizuara për lidhje

Përdorimi i internetit në Zvicër do të bëhet shumë më i shpejtë, veçanërisht në pjesë të caktuara të vendit.  Shpejtësia minimale për të përdorur internetin në Zvicër do të rritet për tre herë nga viti i ardhshëm.

Propozimi, i cili kërkon të zvogëlojë vonesat për të gjithë përdoruesit e internetit në të gjithë vendin, përmirëson shpejtësitë që lidhen me shkarkime dhe ngarkime.

Propozimi përmirëson shpejtësinë minimale të shkarkimit nga tre në dhjetë megabit për sekondë, ndërsa shpejtësia e ngarkimit do të rritet nga 0.3 në një mbps, shkruan gazeta zvicerane “The local.ch”.

Ndryshimet, të dhëna të mërkurën nga Këshilli Federal, janë vendosur të hyjnë në fuqi në 1 janar të vitit 2020. Këshilli Federal tha që ishte detyrë e ofruesit të shërbimit universal, Swisscom, për të siguruar që shpejtësitë e reja do të respektohen.

Në një deklaratë, Këshilli Federal tha që ndikimet do të jenë veçanërisht të dobishme për banorët zviceranë në zonat rurale dhe rajonale ku ka mundësi të kufizuara për lidhje.

“Banorët e rajoneve ku nuk ka oferta alternative në treg do të përfitojnë veçanërisht nga masa,” thuhet në deklaratë.

Këshilli Federal gjithashtu theksoi përfitimet ekonomike të përmirësimit të shpejtësisë së lidhjes, ndërsa premtoi se kostot që lidhen me lidhjen në internet do të mbeten të ulëta.

“Një lidhje më e shpejtë rrit mundësitë që popullata në fjalë të marrë pjesë në jetën sociale dhe ekonomike përmes internetit.”

“Për më tepër, në familjet me shumë persona, përmirëson përdorimin e njëkohshëm të shërbimeve dhe aplikacioneve në Internet,” transmeton albinfo.ch

Përkundër pengesave të saj gjeografike dhe rajoneve të ndryshme gjuhësore, Zvicra tashmë ka disa nga shpejtësitë më të shpejta të internetit të çdo vendi në tokë.

Indeksi Global i Shpejtuar rendit Zvicrën në vendin e shtatë të të gjitha vendeve në botë për shpejtësinë e internetit, me Singaporin deri tani që mburret me internetin më të shpejtë,

Sipas renditjes, Zvicra ka shpejtësinë e katërt më të shpejtë të internetit në Evropë, pas Rumanisë, Monakos dhe Hungarisë. /Albinfo.ch

---