Edhe Shqipëria në ‘hall’ me ikjen e mjekëve, 180 u larguan gjatë 2022-ës

(KEYSTONE/Jean-Christophe Bott)

Ikja e mjekëve konsiderohet se po dëmton sistemin shëndetësor në Shqipëri duke krijuar boshllëqe në qendra shëndetësore jo vetëm në rrethe por edhe në Tiranë. Urdhri i mjekut konfirmon se për vitin 2022 kanë kërkuar certifikatën e sjelljes së mirë 180 mjekë.

Edhe pse sipas kreut të tij Fatmir Brahimaj jo të gjithë largohen  një herë e përgjithmonë.

“Certifikatën e sjelljes së mirë marrin pasi asnjë klinike private jashtë nuk të vesh bluzën e bardhe pa pasur atë .Por ikin edhe për doktoratura”- tha Fatmir Brahimaj, President i  Urdhrit të Mjekut për tch përcjell albinfo.ch.

Po cilës fashë i përkasin mjekët që braktisin Shqipërinë?

A është vetëm paga që marrin jashtë qe i josh ata të lënë profesionin në Shqipëri apo lidhet edhe me kushtet dhe klimën që ofrohet në institucionet shëndetësore në Shqipëri.

E ndërsa shume mjekë zgjedhin klinika jashtë Shqipërisë të tjerë braktisin qendrat shëndetësore nëpër rrethe  për të ardhur në Tiranë.  Dhe sipas Brahimajt kjo nuk zgjidhet vetëm me bonusin e mjekut .