Edi Rama dhe Partia Socialiste prijnë bindshëm në zgjedhjet e Shqipërisë

Janë numëruar tashmë më shumë se 260 mijë vota (rreth 17% e totalit), një gjë është e sigurt: fitorja e Edi Ramës dhe e Partisë Socialiste, përcjell albinfo.ch.

Publikimi i Exit Polleve që paralajmëronin një rezultat tepër të ngushtë, vota e gjetur në kuti prodhoi tjetër rezultat: Fitorja e Edi Ramës dhe e Partisë Socialiste është e padiskutueshme, shifrat do të jenë edhe të përfërta me rezultatin e 2017-ës (72-74 mandate).

Më poshtë publikimi i rezultateve sipas qyteteve:

Tirana është fituar bindshëm me një shifër prej mbi 51%, përkundrejt 36% të PD-së dhe 6% të LSI-së. Në Tiranë sipas të gjitha gjasave do të ketë një deputet edhe PSD e Tom Doshit. Shanset janë që PS të marrë 19 deputetë, PD 14, LSI 2 dhe PSD 1 deputetë

Fieri sipas rezultateve të deritanishme prodhon këtë rezultat të projektuar: PS 9 mandate, PD 6 mandate dhe 1 mandat PSD e Tom Doshit.

Elbasani fitohet po nga Partia Socialiste (sipas projektimeve ) me rezultatin 8 me 6.

Korça është i vetmi qark i Jugut të Shqipërisë që parashikohet të fithet nga opozita (PD +LSI). Ndarja e mandateve projektohet të jetë 5 PS, 5 PD dhe 1 LSI.

Shkodra ishte qarku më i fragmetuar i Shqipërisë (baraz me Tiranën). Ky qark, bastion i përhershëm i PD-së, parashikohet të prodhojë 5 deputetë për PD-në, 3 deputetë për PS-në, 2 deputetë për PSD-në   dhe 1 deputet parashikohet t’i shkojë LSI-së.

Dibra është befasia e veriut. Sipas rezultateve të deritanishme prin PS, çka nëse ruhet deri në fund do t’i japë kësaj partie 3 mandate, nga 5 që janë gjithsej.

Në total, parashikohet që Partia Socialiste të ketë fituar mes 72-74 mandate. Nëse i shtojmë edhe mandatet e PSD-së (3 mandate), atëherë rezultati është bindës, pa asnjë problem për një madat të qartë 4-vjeçar.