Ekspertja zvicerane: Imuniteti nga marrja e vaksinës zgjat më shumë se gjashtë muaj

"Mbrojtja zgjat më shumë se gjashtë muaj - ndoshta midis nëntë dhe 12, ndoshta edhe më gjatë"

Besimi i zakonshëm midis komunitetit mjekësor tani është se imuniteti ndaj koronavirusit zgjat gjashtë muaj pasi të jetë vaksinuar plotësisht ose të rikuperohet nga sëmundja, transmeton albinfo.ch.

Por, rezistenca ndaj virusit mund të zgjasë më gjatë.

“Ne diskutojmë rregullisht të dhënat në dispozicion me ekspertët dhe këndvështrimi i tyre aktual është se mbrojtja zgjat më shumë se gjashtë muaj – ndoshta midis nëntë dhe 12, ndoshta edhe më gjatë”, tha Virginie Masserey, shefe e sektorit të kontrollit të infeksionit në Zyra Federale e Shëndetit Publik (FOPH).

Kjo do të thotë që njerëzit që morën vaksinat e tyre Covid në fillim të fushatës së inokulimit në janar “nuk kanë asgjë për t’u shqetësuar”, shtoi ajo. /Albinfo.ch

---