Ekspozitë e artistëve shqiptarë për 100 vjetor

Ekspozita hapet më 2 dhjetor 2012 dhe ajo mund të vizitohet deri më 16 dhjetor

Shoqata “Yjet e Kosovës” (“Sterne Kosovas”) hap një ekspozitë me punime të artistëve shqiptarë që jetojnë në Gjermani. Punimet e tyre pasqyrojnë në mënyrë të gjallërishme ndikimet nga kultura të ndryshme. Artistët që ekspozojnë me këtë rast janë Mal Myrtaj, skulptor i cili punon në bronz dhe gur, pastaj Dan Gashi me piktura në vaj, Augustin Përgega, pikturë në akrilik, Bukurije Dalladaku fytyrat në fotografi, Habib Shasivari akrilik në pëlhurë (kanavacë).

Ekspozitën do ta shoqërojnë me muzikë artistike tre artistë të veçantë të muzikës klasike. Behet fjalë për violinistin Alban Pengili www.albanpengili.de kitaristin Albert Ibrahimaj dhe pianistin Vigan Kuqi.

Ekspozita hapet më 2 dhjetor 2012, në orën 12.30. Lessingstrasse 36/1, Emmendingen. Ekspozita do të qëndrojë e hapur nga e hëna deri të premten prej orës 9.00 deri në orën 12.00 dhe prej orës 15.00 deri në orën 18.00. ndërsa të dielën nga ora 15.00 deri në orën 18.00. ajo mund të vizitohet deri më 16 dhjetor.

Të njëjtën ditë me hapjen e ekspozitës, në Emmendingen mbahet manifestimi i madh artistik për nder të 100 vjetorit të pavarësisë së Shqipërisë. Mysafire speciale do të jetë Shkolla e vallëzimit “Shota” nga Zvicra. Po ashtu me program paraqitet edhe shoqata si dhe nxënësit e shkollave nga Emmendingeni. Në përmbyllje do të ketë muzikë live me grupe muzikore shqiptare. Manifestimi fillon në orën 14.00. Hyrja është e lirë.