“Elmex”-i zviceran do të prodhohet në Poloni

Pasta zvicerane e dhëmbëve “Elmex” tash e tutje do të prodhohet në Poloni. Firma „Gaba“ ka mbyllur fabrikën e saj në Therwill, ndërsa do të mbeten pa punë 98 persona.

Edhe një lajm i keq për ekonominë zvicerane. “Elmex” ka planifikuar reduktimin e 98 vendeve të punës në Therwill, në kantonin e Bazelit, ku janë të punësuar 250 veta.

Në rajon do të mbeten ndërkohë vetëm departamentet e kërkimit dhe zhvillimit.

Punëtorët do të preken edhe në qytetin e afërt gjerman, Lörach.

Lajmi është konfirmuar për mediat zvicerane nga një zëdhënëse e ndërmarrjes, e cila thotë se vendimi nuk është marrë për shkaqe ekonomike, por për shkak të një riorganizimi të brendshëm.

Produket “Elmex” dhe “Meridol” do të mbeten në dispozcion për konsumatorët, vetëm se qyteti i prodhimit do të zhvendoset në Swidnica në Poloni, sqarojnë zyrtarët e kësaj ndërmarrjeje.