Fabrika serbe e armëve pranon se armët e sekuestruara në Banjskë ishin të saj

Arsenali i madh i armëve që u kap në Banjskë të Leposaviqit në Kosovë, mes tjerash, dëshmoi se shumica e armëve ishin prodhim serb të destinuara për ushtrinë e Serbisë.

Ndërsa për herë të parë fabrika e armëve Zastava në Kragujevc të Serbisë pranoi për mediat e huaja se disa nga armët e sekuestruara në arsenalin në Banjskë të Kosovës kanë qenë pjesë e inventarit të saj më herët, përcjell albinfo.ch.

Përgjigjja vjen në një kohë teksa vijojnë hetimet për të zbuluar se ku i kishin siguruar armët terroristët serbë që vranë efektivin kosovar dhe lidhjet e tyre me autoritetet serbe.

Kjo është hera e parë që fabrika më e madhe serbe e armëve konfirmon informacionet e publikuara më herët nga autoritetet në Kosovë, se grupi i personave të armatosur që sulmuan Policinë e Kosovës kishin armë të prodhuara në Serbi.