Fatmir Velaj emërohet ambasador i Shqipërisë në Austri

Qeveria e Shqipërisë nis zyrtarisht zëvendësimin e ambasadorëve

Edi Rama, kryeministër i Shqipërisë, para disa ditësh kishte propozuar Fatmir Velaj, si kandidat për ambasador në Austri, ndërkohë Presidenti i Shqipërisë, Bajram Begaj, dekretoi Fate Velajn zyrtarisht si ambasador i Shqipërisë në Austri, shkruan albinfo.ch.

Velaj u shpreh se politika e jashtme e Austrisë në raport me Shqipërinë nuk lëviz, pavarësisht se cila forcë vjen në pushtet.

“Perspektiva europiane e Shqipërisë asnjëherë nuk është vënë në diskutim. Të gjithë e dinë mbështetjen që Austria i ka dhënë integrimit europian të Shqipërisë nga marrja e firmosja e MSA-së apo edhe traktateve të ndryshme ekonomike, integrimit europian, artit, kulturës, arsimit dhe mbrojtjes dhe drejtësisë”, tha Velaj.

Ai i cilësoi të shkëlqyera marrëdhëniet politike mes dy vendeve, ndërsa solli në vëmendje vizitat e fundit të zyrtarëve austriakë në vendin tonë.

Në rrafshin ekonomik, Velaj theksoi se Austria ishte e para që investoi në sistemin bankar e energjetik.

“Austria është shtet që e ka dashur Shqipërinë. Në këtë drejtim, unë do të krijoj urat e nevojshme për shkëmbimin e eksperiencave më të mira”, tha ai

---