Festivali i Filmit në Cyrih, me bilanc rekord

ë gjithë filmat e shfaqur janë shikuar nga rreth 85 mijë shikues, shifër kjo që është për 7.5 për qind më e madhe se e vitit të kaluar

Keystone

Të dielën, pas 11 ditësh të ngjeshura, me një solemnitet përmbyllës dhe me ndarjen e çmimeve, ka lëshuar perdet Festivali i Filmit i Cyrihut, i njëmbëdhjeti me radhë. Nëmesin e disa çmimeve, ai për filmin më të mirë të konkurrencës ndërkombëtare “Syri i Artë” i është ndarë filmit “Hrutar (Rams)” të regjisorit Grimur Hakonarson.

Festivali i sivjetmë ka shënuar një rekord të shikueshmërisë, njoftojnë organizatorët dhe përcjellin mediet zvicerane. Sipas tyre, të gjithë filmat e shfaqur janë shikuar nga rreth 85 mijë shikues, shifër kjo që është për 7.5 për qind më e madhe se e vitit të kaluar. Kjo edhe sqarohet me numrin e filmave të përzgjedhur për këtë festival. Kanë qenë 161 filma ose afër 20 më shumë se në edicionin e vitit 2014. Në këtë numër filmash, pesë produksione zvicerane kanë pasur në këtë festival premierën e tyre botërore.

Me më shumë se 7 milionë franga, buxheti i festivalit ka qenë një rekord tjetër i radhës që ka shënuar ky festival sivjet.

Përkundër këtyre parametrave të përmendur, organizatorët duan që fokusin e tyre të vazhdojnë ta mbajnë te filmat jokomercialë.