Festivali Ndërkombëtar i Balonave është rikthyer në Zvicër

pixabay

Pas dy vjet pandemie, është rikthyer sërish Festivali Ndërkombëtar i Balonave në Chateau-d’Oex, Zvicër, përcjell albinfo.ch.

Raportohet se deri më 29 janar do të marrin pjesë rreth gjashtëdhjetë balona, me po aq ekuipazh nga 15 vende të botës.

Vlen të theksohet se ky është edicioni i 43-të i Festivalit Ndërkombëtar të Balonave, i cili filloi më 21 janar në Château-d’Oex, pas një pauze dyvjeçare për shkak të Covid.

Nëse kushtet e motit do të jenë të favorshme, do të ofrohen sërish fluturime “turistike”. Këtë vit do të ketë edhe disa risi, duke përfshirë një sërë konferencash dhe bashkëpunimin me Festivalin Ndërkombëtar të Filmit Alpin (FIFAD), falë të cilave vizitorët do të mund të shohin filmat e shpërblyer në edicionin e gushtit të kaluar.

Gjithashtu është planifikuar një shfaqje dhe ekspozitë për fëmijë, ndërsa shfaqja e zërit dhe dritës ‘Night Glow’, është anuluar për arsye financiare.

Vlen të cekët se Festivali Ndërkombëtar i Balonave Château-d’Oex tërheq nga 15,000 deri në 35,000 spektatorë çdo vit. /Albinfo.ch