Firmoset marrëveshja për njohjen e patentë shoferëve të shqiptarëve në Itali

Kryeministri Edi Rama ka publikuar fotografitë nga firmosja e marrëveshjes për të njohur zyrtarisht lejet e drejtimit të shqiptarëve në Itali, transmeton albinfo.ch.

“Ja edhe siglimi përfundimtar që mbyll krejt procedurën e gjatë për lejet e drejtimit në Itali, për merakun e të gjithëve, ju që qarkulloni me makinë matanë detit, e herë tjetër mos e harroni, unë them atë që bëj dhe bëj atë që them”, shkruan Rama.

Marrëveshja mes Shqipërisë e Italisë për njohjen e patentave është arritur para disa ditësh pas vizitës së ministres  së Punëve të Jashtme, Olta Xhaçka dhe ministri italian i Punëve të Jashtme, Luigi di Maio, të cilët konfirmuan se tani zyrtarisht u bë përfundimi i procedurave për njohjen reciproke të lejeve të drejtimit të automjeteve në Itali.