Flona Abdullahi, inxhiniere e re nga diaspora që po ndërton karrierë në Suedi

Edhe një rrëfim suksesi nga diaspora jonë

Flona Abdullahi, e lindur në Suedi me origjinë nga Kosova, është një shembull frymëzues i gjeneratës së re të profesionistëve në diasporë. Ajo ka përfunduar studimet në Chalmers University of Technology, një ndër universitetet më prestigjioze të Suedisë, ku është diplomuar si Inxhiniere e Ekonomisë Industriale, transmeton  albinfo.ch.

Aktualisht, Flona ka nisur karrierën e saj profesionale në kompaninë “Eidra”, një ndërmarrje inovative suedeze që ndërthur teknologjinë dhe krijimtarinë për të zhvilluar zgjidhje moderne në industrinë bashkëkohore.

Sot, ajo iu bashkua Rrjetit të Profesionistëve të Rinj, një iniciativë e Ambasadës së Kosovës në Suedi që ka për qëllim të lidhë, fuqizojë dhe promovojë të rinjtë me prejardhje nga Kosova që po ndërtojnë karrierën e tyre jashtë vendit. /Albinfo.ch

---